Larrabetzuko frontoia berrituta, atzo, urtarrilak 28, Master Laboral Kutxa Eskuz Binakako Txapelketa izan zen bertan. Frontoian 300 lagun inguru batu ziren eta pilota-maratoiaz gozatzeko aukera izan zuten, orotara zazpi partida jokatu ziren eta. Maila nagusian, Olatz Arrizabalagak eta Amaia Aldaik, egungo bi pilotari nagusiek, ez zuten huts egin, eta lehen puntuak batu zituzten Erasunen eta Zabalaren laguntzarekin.
Horrela, Arrizabalagak eta Erasunek 22 eta 8 irabazi zieten Oronozi eta Goietnetxeri; eta Aldaik eta Zabalak 22 eta 19 Beitiari eta Mendizabali. Gainerako partidei dagokienez, gazteen kategorian, Monjek eta Elorzak 18 eta 11 irabazi zieten Perezi eta Carreterori; Antolinek eta Etxenagusiak, 18 eta 4 Ariasi eta Perezi; Ariztik eta Etxezarretak, 18 eta 12 Zabalari eta Arrutiri; eta Fernandezek eta Merinok, 18 eta 14 Luzarralderi eta Menari. Promesen kategorian, bestalde, Gomezek eta Bilyak 18 eta 7 irabazi zieten Ugalderi eta Ozaetari. Txapelketaren hurrengo partidak Usansolon izango dira datorren domekan, otsailak 2.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).