Kontatu digunez, eguna lasai hasi zuen eta kantxara disfrutatzera sartu zen. “Egia esan, joko handia erakutsi nuen kantxan eta hain presio handia dagoenean zaila da hori lortzea”. Kantxan bere onena eman zuen. “Urteko txapelketarik inportanteena irabazi dut eta espero dezagun hemendik aurrera titulu gehiago irabaztea”.
Txapelaz gozatzen dabil, “txapelketa hau ez delako egunero irabazten”. Hala ere, hurrengo helburu du Munduko Bikote Txapelketa, barikuan Mungian hasiko dena. “Partidak barikuetan izango dira eta bakoitzean bikotekide ezberdin batekin jokatzen da; gero puntuak indibidualki gehitzen dira. Sentsazio onak ditut eta txapelketa honetan ere nire onena emango dut, ea irabazterik dudan!”.