Larrabetzuko Udalak jakinarazi duen moduan, begiraleak kontratatuko dituzte Uda programan lan egin dezaten. Curriculumak ekainaren 2ra arte utzi daitezke Anguleri kultur etxean, edo liburutegia@larrabetzu.eus helbide elektronikora bidali. Begiraleak kontratatzeko, hauek hartuko dira kontuan: eskarmentua edota ezagutza izatea aisialdiko zuzendari edo hezitzaile moduan, edota gizarte-kultur dinamizazioan, euskaraz bizitzea eta herrian modu aktiboan parte hartzea.