Kanpaina egiteko, hurrengo ideia hau hartu da abiapuntutzat: galdetu diezaiegun umeei nola egin daitekeen. LUKeko umeak otsailetik aritu dira kanpainan lanean, eta barikuan aurkeztuko dute. Aurkezpena 17:30ean izango da plazan, eta bertan azalduko da txinerazko mezuaren esanahia. Udaletxean pankarta ipintzeaz gainera, txapak, bideoak eta mezu elektronikoak ere zabaldu dituzte herrian. Larrabetzuko Umeen Kontseilua bederatzi urtetik 11 urtera bitarteko 12 umek osatzen dute, eta euren iritziak, ikuspuntuak eta desioak partekatzen dituzte alkatearekin, erabakiak hartzen laguntzeko. LUKeko kideak hilero batzen dira herrigintzaz aritzeko.
Txineraz idatzitako pankarta ipini du LUKek Larrabetzun, euskararen erabilera sustatzeko kanpainaren harira
Azken datuen arabera, euskararen erabilerak behera egin du Larrabetzun, bereziki adin ertaineko pertsonen artean. Horregatik, eta umeek eta nagusiek euskaraz gehiago egiten dutela kontuan hartuta, udalak euskararen kaleko erabilera sustatzeko kanpaina bat egiteko eskatu dio Umeen Kontseiluari (LUK). Kanpaina barikuan, ekainak 14, aurkeztuko dute jendaurrean, baina kanpainari lotuta, pankarta bat ipini dute udaletxeko fatxadan. Pankarta txineraz dago idatzita: 在嘴里感受巴斯克风味.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).