Osasungintza publikoaren aldeko OPA Herri Plataformen koordinakundeak jakinarazi duenez, bere baitan dauden taldeak Eusko Jaurlaritzaren aurren bilduko dira eguenean, ekainak 20, lehendakari berriaren inbestidura-saioaren egunean; plataforma horien artean LOPA Larrabetzu dago. Elkarretaratzea 09:00etan egingo dute. Alde batetik, salatu nahi dute “udarako iragarritako osasun-zentroen itxierak eta murrizketa larriak”; eta bestetik, berretsi nahi dute “urteko egun guztietarako osasungintza publikoa, unibertsala, kalitatekoa eta euskalduna lortzeko borrokan jarraitzeko borondatea”.