Hortaz, Larrabetzuko Udalak, bere aukeren eta eskumenen arabera, estrategiaren oinarriak betetzeko lan egiteko konpromisoa hartu du. Oinarri horien artean daude panpa-lezkaren presentzia eta hedapena murriztea eta gelditzea, erauzketaren ondorengo leheneratzea eta jarraipena, ikerketa, legeak eta finantzaketa eta eragileen erantzukizunak eta eskumenak.
Adierazpen instituzionalean jaso duten moduan, panpa-lezkak paisaiaren eta biodibertsitatearen kalitatea galtzea ekartzen du, ingurune naturalak hondatzen ditu, bertoko fauna eta flora kaltetzen ditu eta alergia sortzen du.