Atzo, uztailak 7, ekitaldia izan zen Larrabetzun, bertan uda emango duten ume sahararrei ongi etorria emateko. Egitasmoa Zumaiako Darahli elkarteen laguntzarekin egiten da eta helburu bikoitza ditu: alde batetik, Saharako umeek basamortu gordina utzi, eta, beste edozein umeren antzera, oporrez gozatzea; eta bestetik, Saharak bizi duen gatazkaren berri ematea. Larrabetzuko zenbait azpiegituratan udalekuak atondu dira, umeek han uda gozatzeko. Hainbat hezkuntza- eta aisialdi-jarduera egingo dituzte eta medikuarenera ere joango dira, euren osasun-egoera aztertzeko.