Zerbitzuaren kudeaketa publikoa izateko aukera aztertzeaz gainera, zerbitzua pribatizatuta dagoen bitartean, langileen baldintza duinak bermatzeko, enpresa esleipendunari neurri hauek exijitzeko eskatu diote: prestakuntza-plana ezartzea, lanaldi jarraituak, arropa egokia, langileen mugikortasun geografikoa ahalik eta gehien murriztea, erabiltzaile baten etxetik beste erabiltzaile baten etxera ailegatzeko denbora benetan neurtzea, lan-arriskuak lan-osasunaren arabera baloratzea eta erabiltzaileen txosten pertsonalizatuak egitea.
Eredua aldatu arte, Txorierriko Mankomunitateak izan beharko lituzkeen betebeharrak ere zehaztu dituzte dokumentuan. Haien artean daude zerbitzuaren gutxieneko intentsitatea 60 minutuan ezartzea, erabiltzaileen senideei atseden-orduak eskaintzea, langileei laguntza teknikoak eskaintzea eta udalerri guztietan aparkatzea erraztea.