Udalbiltzak bultzatutako Geuretik Sortuak egitasmoaren baitan, Hona Bostekoa komiki-bilduma argitaratu da: Unai Gaztelumendiren Harresia, Eñaut Aiartzaguenaren Gure basoak, Kotetoren Txillardegi Bergaran, Mattinen Handantza, eta Aritz Ibarrarebaren Aldaxka pozoituak. Komiki-bilduman oinarritutako erakusketa Larrabetzuko Anguleri kultur etxean egongo da irailaren 13ra arte, 10:00etatik 13:00etara eta 16:00etatik 20:00etara.