Hasteko, galdetegi bat prestatu dute, eta bi modu daude hura betetzeko: online lotura honen bidez edo paperezko galdetegia beteta. Azken hori eskuragarri dago Anguleri kultur etxean eta Maria Luisa eta Gazteleku tabernetan. Horrezaz gainera, plangintzaren estrategiak zehaztu eta ekintzak identifikatzeko, bi saio ireki egingo dira eragile eta herritarrekin. Lehen saioa irailaren 24an egingo da, eta bigarrena, urriaren 8an. Saio biak Anguleri kultur etxean izango dira, 18:00etatik 19:30era. “Erakundeoi ere badagokigu euskaraz egiteko aukera zabaltzea eta bultzatzea, eta erraztasunak ematea herritar eta eragileei. Hori da Larrabetzuko Udalaren konpromisoa”.
Euskara sustatzeko plan estrategikoa egingo da Larrabetzun
Larrabetzu udalerri euskalduna da, eta azken datu ofizialen arabera, herritarren % 73,8k badaki euskara. Hala ere, hango udalak adierazi duenez, kaleko eta etxeko erabilerak nabarmen egin du behera, eta horrek bereziki kezkatzen ditu. “Larrabetzun euskaraz bizitzen jarraitu nahi dugu, eta, horretarako, datozen urteetarako plangintza osatu nahi dugu”. Larrabetzun euskara sustatzeko plan estrategikoaren oinarria da herritarren iritzia, eta hori ezagutzeko, prozesu bat martxan ipiniko dute udalak eta Darabilguk elkarteak UEMArekin elkarlanean.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).