Urriaren 7an, 18:00etan, gazteriari lotutako bilera egingo da; eta 19:00etan, berdintasunari lotutakoa. Hurrengo datak eta gaiak hauek dira: urriaren 10ean, 18:00etan, oroimen historikoa, eta 19:00etan, euskara eta kultura; hilaren 14an, 18:00etan, kirola, eta 19:00etan, hezkuntza; eta hilaren 16an, 18:00etan, hirigintza, eta 19:00etan, lehen sektorea eta ingurumena.
Larrabetzuko Udalak bilerara deitu die herritarrei, 2025eko aurrekontuen harira. “Aurrekontua da baliabide publikoak kudeatzeko tresna, udalerriko beharrak asetzeko. Beraz, garrantzitsua da ahalik eta herritar gehienen ahotsa entzutea”, azaldu dute. Horretarako, urrian hainbat bilera egingo dira ludoteka dagoen eraikinean. Herritarrek hara eraman ahalko dituzte euren proposamenak.