Larrabetzun, eguenean, urriak 8, 19:30ean hasiko dute saioa plazako aterpean, eta hurrengokoak izango dira parte hartuko duten bertsolariak: Joseba Ortuzar, Izaro Bilbao, Aitor Bizkarra, Emile Zabala eta Peru Cristobal.
Danon plaza bertso zirkuituak gazteen plazaratzea laguntzea du helburu nagusi, “beraien neurrira egindako plazak eskainiz”. Lehiarik bariko zortzi saioko bertso zirkuitua da, eta saioak urriko eguenetan osatuko dituzte, Dimako saioa barikuz izango da.
Bertsolari gazteak eta Bizkaiko finalistak batuko ditu zirkuitu honek. “Saioak dinamikoak eta biziak izango dira. Ohiko plazetako lanak egingo dituzte parte hartzaileek, eta baita adinari eta bertso mailari egokitutako bestelako ariketa eta jolasak ere”, azaldu dute antolatzaileek. Saio bakoitzean 5 bertsolarik egingo dute bertsotan: 18 urtera arte bi, 18-25 arteko bi, eta finalista bat.