17:00

Bizkaiko Bertsolari Txapelketaren hirugarren finalaurrekoa

Finalaurrekoa abenduaren 4an, 17:00etan, izango da Larrabetzuko frontoian. Bertan bertsolari hauek arituko dira bat-batean: Ander Elortegi Garatea, Eneko Abasolo Txabarri, Jone Uria Albizuri, Julen Arzanegi Erezuma, Nerea Ibarzabal Salegi eta Txaber Altube Sarrionandia. Bestalde, Itxaro Juaristi Olaetxea gai-jartzaile ibiliko da. Sarrerak www.bertsosarrerak.eus webgunean erosi daitezke. Finala abenduaren 18an izango da Bilboko Bilbao Arenan. Finalean kantatuko dute Gorka Pagonabarragak (Etxebarriako irabazleak), Etxahun Lekue larrabetzuarrak (Galdakaoko irabazleak), Larrabetzuko saioko irabazleak eta, txapelketaren fase guztiak jokatuta, puntuazioz sailkatzen diren lehenengo bost bertsolariek.

18:30

“Haurren aurrean helduak heldu” ekimenaren gaineko solasaldia

Gaur egitekoa zen “Haurren aurrean helduak heldu” ekimenaren gaineko solasaldia, Iñaki Eizmendi gizarte-hezitzailearen eskutik. Jakinarazi denez, ekintza abenduaren 13ra atzeratu behar izan da eta 18:30ean egingo da Anguleri kultur etxean. Umeak zaintzeko zerbitzua eskainiko da eta hura eskatzeko azken eguna abenduaren 11n izango da  darabilgu@darabilgu.eus helbide elektronikora idatzita. “Haurren aurrean helduak heldu” ekimena Euskaltzaleen Topaguneak antolatutako egitasmoa da eta bere helburua da haurren erreferente helduen arteko hizkuntza-praktikak aldatzea eta euskara gehiago erabiltzea.  

19:00

23:59

Literaturaz Berbetan

Kulturbilguneak aurreratu duenez, irailetik abendura bitartean lau liburu izango dituzte hizpide Literaturaz Berbetan ekimenaren harira. Irailaren 16an, Ana Malagonen Ez dakit zertaz ari zaren lana; urriaren 21ean, Nerea Loiolaren Epizentroa obra; azaroaren 18an, Nerea Arrienen Jende likidoa liburua; eta abenduaren 23an, Mikel Antzaren Arroz urez lana. Saioak Anguleri kultur etxean izango dira, 19:00etatik aurrera.