Lezama Bizirik koordinakundeak ekitaldi bi antolatu ditu hurrengo hilean: elkarteko bazkideen batzar-bazkaria eta Hirigintza planak eta etxebizitza, Lezaman konferentzia-mahai ingurua.
Batzar-bazkaria martxoaren 3an, 13:00etan, izango da Goitioltzako txokoan. Bertan hurrengo gaiak tratatuko dituzte: pasa den urteko ekintzak, Lezamako gaur egungo egoera, LPP eta arau subsidiarioen tramiteak amaitu ostean eta datozen hilabeteetako plangintza. Horrezaz gainera, babarrun-jana izango dute.
Beste alde batetik, mahai ingurua martxoaren 23an, 19:30ean, egingo dute Lezamako Kultur Aretoan. Mahai inguruan Eusko Jaurlaritzak, Lezamako udalak eta Eguzki eta Elkartzen elkarteek parte hartuko dute. Halaber, etxebizitza gaiaren gaineko kaleko ekimena egingo dute martxoaren 24an.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).