Udal aldizkarian jakinarazi duten moduan, 958 erromesek gaua eman zuten Lezaman iaz. Horiek Done Jakue bidea egin zuten, eta Estatutako hainbat herritatik –Katalunia, Madril, Valentzia…- eta beste herrialde batzuetatik –Frantzia, Alemania, Italia…- etorri ziren.
Lezamak ez du erromesentzako aterpe iraunkorrik, eta ekainetik irailera bitartean obra-moduluak jartzen dira udaleko kirol-eremuan, erromesak hartzeko. Baina Udalak erabilera askotarako gizarte-zentroa eraikitzeko asmoa du, eta hori egiten dutenean, erromesek bertan eman ahal izango dute gaua.