Dala gitxi hiri hondakin solidoen edukiontzi berezi bi jarri dira Lezaman, elbarrituek erraz erabil dagiezan. Edukiontzi horreetako bat Kurtze auzoan ipini dabe, eta bestea herriaren erdialdean; udaletxearen atzeko parke ondoan, hain zuzen be. Edukiontziek eskuz zabaltzeko sistema dabe, gurpil-aulkian dabilzanek edo elbarritasunen bat dabenek irekitzeko modua euki daien. Hau Txorierriko Mankomunitateagaz batera egindako ekimena da.