Lezamako Udalak eta Behar Bidasoa gobernuz kanpoko erakundeak (GKE) hitzarmen bat sinatu zuten joan den urtean. Hitzarmen horren bidez, elkarteari 7.000 euroko diru-laguntza emateko konpromisoa hartu zuen Udalak. Dirua Ahizpa Pasiotarrek Pereiran (Kolonbia) martxan jarritako Garapen Polora bideratu zen. Besteak beste, emakumeei zuzendutako lanbide-eskola dago bertan. Udalak Behar Bidasoarekin hartutako konpromisoa berretsi du, eta iazko diru-laguntza berdina emango dio aurten ere bai.