Logoa
Logoa
aikor.eus

Argitalpen berria, Lezaman

  Udala  Lezama
Orain arte, udal argitalpen bi izan dira Lezaman, herritarrei informazioa hurbiltzeko: Lezama gaur aldizkaria eta Kultur Agenda argitalpena. Udaletik azaldutakoaren arabera, garai zailak dira eta gastuak murriztu beharra dago. “Hori dela-eta, euskarri bakar baten alde egin dugu, lagungarria dena informazioa azkar eta berehala emateko, eta kostu txikiagoa izango duena”. Argitalpen berria Zebarri aldizkaria da. Han Lezama gaur eta Kultur Agenda argitalpenek oraintsu arte eskainitako informazioa batuko da hemendik aurrera. “Tinta bakarreko argitalpena da, ez koloretakoa. Izan ere, itxurari baino, lehentasuna edukierari eman nahi diogu. Azken batean, informazio aldetik kalitate bera eskainiko da, baina prezio merkeagoan”. Zebarri aldizkariak udal informazioa eskainiko du, eta herrian antolatzen diren jardueren berri emango du. Horrezaz gainera, bere orrialdeetan herriko pertsonek eta taldeek ere edukiko dute lekua. Lehenengo alea kalean dago jadanik.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa