Gaizka Peñafielek Josu Bergararen azken diskoan hartu du parte

Josu Bergara (Ea, 1979) kantautoreak disko berria grabatu zuen ekainaren 18an, Bilboko Kafe Antzokian. Diskoak Kanta txikien indarra du izena eta han Gaizka Peñafiel trikitilari lezamarrak har­tu du parte. Gaizkak trikia jo du Fandan­goaren hotsa abestian. “Izugarriz­ko ohorea izan da. Inguruan musikari eta pertsona bikainak izatea gozamena da eta dena errazten du. Publikoa ere lehen akordetik kontzertuan sartuta... gehiago ezin daiteke eskatu. Oso berezia izan da, zinez hunkigarria. Diskoa nola geratu den entzuteko irrikan nago. Eskerrik as­ko, Josu urrezko bizipen honengatik!”, esan digu. Diskoa zuzenean grabatu dute eta Gaizkarekin batera hainbat musikari ari­tu dira: Maria Rivero, Mikel Markez, Nerea Alberdi.... Kanta txikien indarra Bergara­ren laugarren diskoa da. Eakoak kontzertuak eman ditu Euskal Herrian zein Bartzelonan, Madrilen edo Londresen.