Aikor! aldizkaria harremanetan ipini da Jon Ander Aurrekoetxea Lezamako alkatearekin, erabakiaren arrazoia ezagutzeko, baina Udaletik ez dute adierazpenik egin.
Bestetik, Lezama Bizirik elkartetik esan digute espero zutela Udalak erabaki hori hartzea, eta herriarentzat oso albiste txarra dela, HAPO barik jarraituko dutelako. Elkartearen ustez, Udalak helegitea aurkeztu izanak adierazten du EAJren jarrera ez dela azken 20 urtean aldatu. Gainera, gogoratu dute helegitea onartzen bada, prozesua oraindik urte batzuk luzatuko dela. Hala ere, bitartean, premiazko egitasmorik balego, prest azaldu dira egitasmo horiek aztertzeko, era adostu batean burutzeko borondatea badago.