Lezamako Euskaraldiaren batzordeak ohiko harremanetan euskaraz aritzeko gonbita egin die lezamarrei. Azaldu duten moduan, batzordea herritar ezberdinek osatzen dute etaguztiz irekia da. “Elkarteek, taldeek eta herritarrek osatuta, euskararen alde egotetik euskaraz egitera saltoa bultzatzeko indarrak batzen hasi da batzordea. Horren adierazlea aurkeztutako hamaikakoa izan da, herriko esparru ezberdinetakoak, enpresa mundukoak, irakaskuntzari loturikoak, kultura, musika, kirola edota gazte ekimenekin harremana dutenek: Fernando Olabarrieta, Gaizka Peñafiel, Nora Artetxe, Katalin Zarate, Edu Martin, Ander Pekeño, Antton Altube, Xabier Goikuria, Ines Piko, Pili Gorbea eta Nelly Romero”.
Aurkezpen ekitaldiari amaiera emateko, Euskaraldiaren ordezkariak familia argazkia ateratzeko bildu ziren, eta herritar guztiak animatu zituzten egitasmoan parte hartzera.