Uztailaren 12tik 14ra bitartean, Bilbao BBK Live jaialdia antolatu zen eta, besteak beste, Hakima Flissi abeslari lezamarrak hartu zuen parte bertan. “Oso polita izan zen hain jaialdi handi batean jotzea, noski. Gainera, espero ez nituen lagunak-eta etorri ziren ni ikustera eta oso hunkigarria izan zen”, esan digu abeslari lezamarrak.
Hakimak bederatzi kanta eskaini zituen, 40 minutuko saioa. Gaztea oso gustura ibili zen eszenatokian, inolako presiorik gabe. “Niri berdin dit non jarduten dudan, agertokia handia ala txikia den, batean zein bestean berdin-berdin abesten dut-eta”. Hakima pozik egon arren, gustatuko zitzaiokeen “apur bat beranduago jotzea, jende gehiago batzeko”. Hala ere, bere ustez, BBK Live jaialdiak lagunduko dio bere ibilbidea bultzatzen. “Jaialdiaren haritik, proposamen batzuk jaso ditut, batez ere kanpoan abesteko. Esate baterako, Italia aldean. Ez dakit, gogor nabil lanean, aurrera egiteko”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).