Bestalde, Lezamako Udalak abuztuan adierazi zuenez, jaiak ez ospatzeko erabakiak COVID-19aren hedapena eragin dezaketen jende-pilaketak ekitea du helburu. “Ez da erabaki erraza izan, baina espero dugu herritarrek ulertzea, arduratsuak izatea eta zuhurtasunez jokatzea. Ondo pentsatu ondoren, uste dugu ezinezkoa zaigula herritarren ongizatea bermatzeko beharrezkoak diren segurtasun- eta osasun-neurriak kudeatzea”. Udalak jai-batzordeak egindako ahalegina eskertu du eta jai-batzordea zein herritar guztiak animatu ditu lanean jarraitzera 2021eko jaiak prestatzeko. Horren harira, Basobaltz jai-batzordeko kideek argi dute datorren urtean jaiak gogotsu hartuko dituztela. Azkenik, aipatu beharra dago Kurtzeko jaiak ere bertan behera gelditu direla.
Irailaren lehen asteburuan Andra Mari jaiak ospatzekoak ziren Lezaman, baina Basobaltz jai-batzordea COVID-19ak sortutako egoerara egokitutako ekintzak antolatzen ahalegindu den arren, azkenean jaiak bertan behera uztea erabaki da. “Gure esku egon den guztia egin dugu jaiak aurrera eramateko eta egoerara egokitutako jaiak antolatzeko. Hala ere, egunak pasa ahala egoera larrituz joan denez, jaiak bertan behera utziko dira herritarren osasuna eta ongizatea bermatzeko”, azaldu dute.