Ezkontza 1921eko maiatzaren 4an izan zen eta pelikulan azaltzen dira ezkontza baino bi egun lehenago gonbidatuei egindako harrera-ekitaldia eta eliza-ospakizuna. Euskadiko Filmategiaren webgunean azaldu dutenez, Julian de Ajuria 1886an jaio zen Ubiden, Bizkaian, eta 1906an Argentinara migratu zen. Film mutuen komentarista ibili zen Buenos Airesen eta Sociedad General Cinematografica sortu zuen. Enpresa horren bidez filmen kopiak alokatzeko sistema sustatu zuen eta hainbat pelikula luze ekoiztu. Hego Amerikako banatzaile garrantzitsuenetarikoa izan zen eta filmak Espainian ere saldu eta banatu zituen. Horrela, bada, lehena izan zen Paramounten pelikulak zabaltzen.
Lezaman ezkontza bati buruzko pelikula grabatu zen 1921ean
Zebarri Lezamako udal-aldizkariaren azken alean jakinarazi denez, 1921ean pelikula bat filmatu zen Lezaman. Julian de Ajuriaren eta Maria Luisa Landaburuaren ezkontzari buruzko filma da, eta bertan jasotzen dira Ciriaco Llodio Goikoetxearen Angetu familia-etxean eta Andramari elizan grabatutako eszenak. Udal-aldizkarian azaldutakoaren arabera, Llodio garaiko politikari eta enpresaburu garrantzitsua zen eta etxea ospakizunetarako jarri zuen, Landaburu bere iloba zen eta. Pelikulak 18 minutu irauten du eta Euskadiko Filmategiaren webgunean dago ikusgai, lotura honetan hain zuzen .
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).