Aukeratutako esaldien artean, hurrengo hauek daude: “Emakumeen askatasuna, jendartearen heldutasuna”, “Beldurra ez dadin zure itzala izan” eta “Gogoratu: gertatzen den guztian konplize izan ahal zara”. Esaldiak, besteak beste, idatziko dira eskolaren sarrerako zebra-bidean, udaletxearen aurreko eta atzeko zebra-bideetan eta farmaziaren aurrekoan. Antolatzaileek eskerrak eman dizkiete parte-hartzaileei, “gizarte berdinzalearen alde borrokatzeagatik eta indarkeria matxista eta homofoboa arbuiatzeagatik”. Bestalde, Lezamako Udalak adierazi du ahaleginduko dela egitasmoa ahalik eta arinen garatzen.
Indarkeria matxistaren kontrako esaldiak idatziko dira Lezamako zenbait zebra-bidetan
Esaldi Laburren Lehiaketa antolatu zuen lehen aldiz Lezamako Berdintasun Kontseiluak. Lehiaketaren helburua izan zen indarkeriaren matxistari eta homofoboari aurre egiteko euskarazko esaldi originalak idaztea, eta lezamarrek orotara 39 esaldi aurkeztu zituzten. Esaldi horietako bederatzi aukeratu, eta herriko zebra-guneetan idatziko dira.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).