Era berean, gazte mailan, Beñat Zubizarreta lazkaotarrak eta Aingeru Bernaolak 22 eta 4 irabazi zieten Aimar Ariznabarreta eta Ander Arroita galdakoztarrei. Bi bikoteen arteko aldea nabarmena izan zen, eta aipatzekoa da Zubizarretak egindako partida.
Barikuan, Lezamako Eskualde Txapelketaren azken jardunaldia jokatu zen. Lehenengo mailan, Iker Espinal eta Aitor Alduntzin uhartearrek 22 eta 14 irabazi zioten Aitor Etxebarriak (Nabarniz) eta Jorge Altuzarrak (Ezkarai) osatutako bikoteari. Laurok maila ona erakutsi zuten eta partida polita bezain orekatua izan zen, baina Alduntzin onena izan zen eta horri esker bikote nafarrak garaipena lortu zuen.