Beste alde batetik, gazte mailan, Ekhi Irribarria lazkaotarrak eta Arkaitz Eskuza aretarrak lortu zuten finalerako txartela. Bikoteak 22 eta 11 irabazi zien Iker Egiguren eta Josu Labaka azpeitiarrei. Egigurenek sendo jokatu zuen, baina irabazleek gogor astindu ohi dute pilota eta horregatik nagusitu ziren.
Beraz, txapelketaren finalisten izen guztiak jakin badakizkigu: lehenengo mailan, Lerenak eta Alduntzinek Julen Alberdi eta Martxel Iztueta tolosarren kontra jokatuko dute; halaber, gazte mailan, Irribarria-Eskuza eta Ituarte-Bernaola izango ditugu nor baino nor. Finala Lezamako frontoian jokatuko da barikuan, otsailak 18, 19:00etatik aurrera.