Euskal Herriko Mus Txapelketaren kanporaketa Lezaman jokatuko da martxoaren 12an

Kanporaketa 16:30ean izango da Enaitz tabernan eta izena ematea bertan egin beharko da; bikoteko 20 euro ordaindu beharko dira. Irabazleak Bizkaiko kanporaketarako sailkatuko dira. Euskal Herriko Mus Txapelketa 13. aldiz egingo da aurten eta finala Baigorrin jokatuko da apirilaren 9an; herrialdeetako finalak, bestalde, martxoaren 26an eta 27an izango dira. Hainbat sari banatuko dira parte-hartzaileen artean. Txapeldunek, esaterako, saritzat jasoko dituzte txapela, garaikurra, 3.000 euro eta lau lagunentzako nazioarteko bidaia; eta txapeldunordeek, garaikurra, 1.500 euro eta bi lagunentzako nazioarteko bidaia. Informazioa eta arauak www.ehmus.eus webgunean kontsultatu daitezke.