Era berean, Ausartak herriko emakumeen antzerki-taldeak Celos y señales obra aurkeztuko du martxoaren 11n, 19:00etan, Kultura Aretoan. Begoña Ausinek zuzenduko ditu antzezle lezamarrak. Bestalde, Gaztegunean eta Ludotekan ere Martxoaren 8ari eta parekidetasunari lotutako tailer eta ekintzak antolatu dituzte martxoan zehar.
Moreak Lezamako talde feministak eta Lezamako Udalak elkarretaratzera deitu dute martxoaren 8rako. Kale-agerraldia 19:00etan egingo dute herriko plazan. Horrezaz gainera, bertso-saioa antolatu da martxoaren 13rako. Saioa 12:30ean izango da plazan eta bat-batean arituko dira Onintza Enbeita, Oihana Bartra eta Josune Aramendi bertsolariak; gai-jartzaile Idoia Anzorandia ibiliko da.