Guztira 120 korrikalarik hartu zuten parte lasterketan. Emakumezkoen mailan, Ortiz de Andarekin batera beste lezamar bat, Amaia Aretxabaleta, igo zen podiumera, hirugarren postuan gelditu baitzen (2:42). Bigarrena Sara Adroher (2:40) izan zen. Gizonezkoei dagokienez, onenen artean txorierritar bi baino ez ziren agertu: Iker Villa larrabetzuarra (2:08) zazpigarren sartu zen helmugara; eta Oier Bidarte loiuztarra (2:12), hamahirugarren. Vizcainoren atzean, Alberto Gracia (1:56) eta Unai Intxaurraga (1:58) heldu ziren. Lehenengo hirurak postu berean gelditu ziren Ganguren Ziztu Bizian sarian, bai emakumezkoen mailan, bai gizonezkoenean.
Beterano mailan, emakumezkoen kategorian, hauxe izan da sailkapena: lehenengoa, Montserrat Vazquez (2:36); bigarrena, Aintzane Bilbao (2:49); eta hirugarrena, Arantzazu Larrañaga (2:57). Eta gizonezkoetan, hauxe: Unai Intxaurraga (1:58), Sergio Serrano (2:01) eta David Alvarez (2:09).