2022ko Txorierriko Enpleguko Eskualde Planaren harira, Lezamako Udalak administrari bat kontratatuko du. Sei hilabeteko kontratua izango da, jardunaldiaren % 100ean, eta aurreikusi da hura azaroaren amaieran egitea. Lan-eskaintza Lanbidek kudeatuko du, eta hautagaiek langabetuak izan beharko dute, Lezaman erroldatuta egon, eta Lanbiden eskatzaile gisa izena emanda izan.
Lanbideren curriculumean, eskatutako enpleguetan, hau gehitu beharko dute: enplegatu administrariak, oro har. Curriculuma aldatu behar izanez gero, urriaren 14a baino lehen egin beharko da Lanbiden bertan, EGAZ Txorierrin edo www.lanbide.euskadi.eus webgunean. Informazio gehiagorako, Lezamako Udalera edo aipatutako erakundeetara jo daiteke.