Bigarren partidan, senior kategorian, Egiguren-Elosegi azpeitiarrek 22 eta 20 irabazi zioten Erkiaga (Zeanuri)-Erasun (Zizurkil) bikoteari. Partida hori ere gogorra eta orekatua izan zen, baita luzea ere, ordubete baino gehiago iraun baitzuen. Atzelariak aurrelariak baino finago ibili ziren, batez ere Egiguren. Azkenean, azpeitiarrak nagusitu ziren.
Uriartek galdu zuen Lezamako Eskualdeko Pilota txapelketaren lehenengo partidan
Barikuan, Lezamako Eskualde Pilota txapelketa hasi zen. Lehenengo partidan, gazte mailan, Adrian Uriarte sondikoztarrak eta bere bikotekideak, Bernaola munitibartarrak, 14 eta 22 galdu zuten Beitia (Zeanuri)-Bullon (Zornotza) bikotearen kontra. Partida hasieran oreka mantendu zen eta lau pilotariek maila ona erakutsi zuten. Hala ere, azken zatian, Beitiak hainbat tanto maisutasunez bukatu zituen eta bere lanari esker, garaipena lortu zuen.