Lezama Bizirikek bisitatu du pinuak moztuko diren basoa

Lezamako Udalak adierazi du Vivero inguruan dagoen 110.000 metro koadroko basoko pinuak moztu eta saltzeko asmoa, “bizitza-zikloa agortu zaielako”; Lezama Bizirik elkartea, berriz, horren kontra azaldu da, “lekuan euren kabuz aurrera egin duten beste espezie batzuk daudelako, hala nola haritzak eta gaztainondoak, eta basoak ingurumen-eginkizun giltzarriak dituelako”. Zapatuan, azaroak 12, basoa bisitatu zuten euren desadostasuna agertzeko.  

Lezama Bizirik elkarteak deituta, herritar-talde batek paseoa egin zuen basotik eta kartelak ipini zituzten bertoko zuhaitz batzuetan, errespeta ditzatela eskatzeko. Bestalde, jakinarazi dutenez, “Eguenean, Foru Aldundiko Mendietako Zerbitzuekin bildu ginen eta pinuak ez diren bertoko zuhaitzak errespetatuko dituztela esan ziguten. Adi egongo gara”. Basoa bistatu ostean erromeria txikia eta pintxo-potea egin zuten guardetxearen inguruan.

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).