Azketa-Elizegi eta Apezetxea-Peñalver bikoteak nagusitu dira Lezamako pilota txapelketan

Barikuan Lezamako Eskualdeko Pilota Txapelketaren azken jardunaldia egin zen. Senior kategorian, Azketa eta Elizegi zegamarrek 22 eta 10 irabazi zieten Ruiz de Larramendi nafarrari eta Garmendia lazkaotarrari. Partida hasiera orekatua izan zen, baina markagailuan 8 eta 10 zegoenetik aurrera bikote urdina nagusitu zen. Aipatzekoak izan ziren Azketak egindako erremateak.

Bestetik, gazte kategorian, Apezetxea eta Peñalver nafarrek 22 eta 7 irabazi zuten Campo-Canseco errioxarren kontra. Zaletuak Campo eta Canseco ikusteko irrikian zeuden, baina horiek ez zuten maila onik eman. Nafarrak argi eta garbi nagusitu ziren eta Apezetxearen lan txukunari esker, garaipena lortu zuten.

Azkenik, Lezamako Pilota Klubak gogorarazi du bariku honetan ez dela partidarik jokatuko; lehia abenduaren 9an hasiko da berriro.

 

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).