“Pandemia dela-eta dena gelditu zen bertan behera, baita gure hileroko emanaldiak ere. Kontzertuak berriro antolatzea erabaki dugu, Lezaman kultura-arloan gure aletxoa ipintzeko. Oso aurrekontua murriztua dugu, eta ahal dugun mailan lezamarrei ekarpena txiki bat baino ez diegu egin nahi”, azaldu du Oxangoiti kultur elkarteak.
Ia hiru urteko geldialdiaren ostean, abenduan `Azken barikuak´ musika-ekimena itzuli zen Lezamara. Oxangoiti tabernan Bastard Friend taldearen kontzertua gozatzeko aukera egon zen, eta hurrengo hitzordua Txalainak taldearen eskutik izango da urtarrilaren 27an. Taldeak Hertzainaken abestiak jotzen ditu eta kontzertua 20:30ean hasiko da. Beraz, Lezaman ere agur esango diote euskal talde mitikoari.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).