Lehengo barikuan, Lezamako Eskualde txapelketaren final-laurdenetako beste jardunaldi bat egin zen. Gazte Mailan, Adrian Uriarte sondikoztarrak aurrera egin zuen. Uriartek, Lazkoz nafarrarekin batera, 22 eta 4 irabazi zien Bilbao sopelarrari eta Barandika laukiztarrari. Partida ez zuen orekarik eta irabazleek erraz lortu zuten sailkapena.
Bestetik, Lehenengo Mailan, partida askoz ikusgarriagoa jokatu zuten Olaetxea-Apezetxea nafarrek eta Azketa-Matxinandiaran zegamarrek. Kostatu zitzaien, baina nafarrek 22 eta 16 irabazi zuten: Apezetxea sendo ibili zen eta Olaetxeak laguntza ikaragarria eman zion.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).