Janaria batuko da Lezaman Siriako eta Turkiako lurrikararen biktimentzat
Zaporeak elkarteak janaria batuko du Lezamako udaletxeko aterpean, zapatu goizean, 10:00etatik 13:00era bitartean. Janaria Turkiara eta Siriara eramango da, bertan otsailaren 6an lurrikara ikaragarria egon zelako. Guztira 12.000 lagun hil dira horren ondorioz. Zaporeak Europara iristen diren errefuxiatuei janari duina eskaintzen dien irabazi asmo gabeko elkartea da. Lezaman, lekaleak eta arraina kontserban, arroza, pasta eta esnea eskatu dituzte.