Lehengo barikuan, Lezamako Eskualde txapelketaren lehenengo finalerdiak egin ziren. Lehenengo Mailan, Zubizarreta lazkaotarrak eta Cuairan costestarrak 22 eta 16 irabazi zieten Apezetxea eta Olaetxea nafarrei. Lau pilotariek ikuskizun ederra eskaini zuten, baina Zubizarretak errematatzeko aukerak aprobetxatu zituen; Olaetxeak, aldiz, alferrik galdu zituen. Lazkaotarrak eta costestarrak etorkizun handiko bikotea osatzen dute eta merezita sartu dira finalean.
Gazte Mailan ere ikusi zen partida polita. Apezetxea eta Peñalver nafarrak 22 eta 13 nagusitu ziren Sasiain zestoarraren eta Bullon zornotzarraren kontra. Irabazleek komeni zitzaien erritmoan jokatu zuten: Peñalver, oso seguru ibili zen; eta Apezetxea, fin errematean.
Aste honetan, beste finalerdiak jokatuko dira eta horietan txorierritar bi ditugu: Lehenengo Mailan, Labaka (Tolosa) eta Bilbao (Lezama), Egiguren eta Elosegi azpeitiarren kontra arituko dira; eta Gazte Mailan, Uriarte sondikoztarra eta Lazkoz (Hoberena), Iglesiasen (Zaratamo) eta Garañanoren (Untzama) kontra. Finala irabazleek jokatuko dute otsailaren 24an, 19:00etatik aurrera: Lehenengo Mailan, Zubizarreta-Cuairanen kontra eta Gazte Mailan, Apezetxea-Peñalverren aurka.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
