Lehenengo Mailan, Apezetxeak eta Peñalverrek uste baino errazago irabazi zieten 22 eta 10 Labaka tolosarrari eta Edorta Bilbao zamudioztarrari. Txapeldunak indartsu atera ziren eta 10 eta 1ekoa jarri zuten markagailuan. Bitxia bada ere, beteranoek, Bilbaok eta Labakak, urduri hasi zuten partida eta ezin izan zioten markagailuari buelta eman.
Bestalde, Gazte Mailako finalak ere ez zuen oreka handirik. Apezetxeak eta Peñalverrek 22 eta 7 irabazi zieten Lazkozi eta Adrian Uriarte sondikoztarrari. Apezetxea jokalaririk onena izan zen, erremate ederrak egin baitzituen. Lazkoz, aldiz, ez zen fin ibili. Garaipena merezita lortu zuten irabazleek.