Eraberritzea “Fanáticos de lo Real by Burger King” proiektuaren baitan egin da, iazko ekainean Athletic Clubaren Lezamako instalazioetan jokatutako Liga Genuine Santanderreko finalen harira. Hori adimen-desgaitasuna duten pertsonentzako lehiaketa da eta LaLigak antolatzen du. Inaugurazioan hauek batu ziren atzo: Jon Ander Aurrekoetxea, Lezamako alkatea; Andrea Mejorada, Restaurant Brands Iberiako Komunikazio Korporatiboko Saileko zuzendaria; Álvaro Astorqui, Burger King Espainiako Babesletza Saileko ordezkaria; Aritz Aduriz, futbolari ohia eta LaLigako enbaxadorea; eta LaLigako ordezkariak eta LaLiga Genuine Santanderreko Athletic Club Fundazioko kideak.
“Ekimen honek bat egiten du Lezamako Udalak inklusioarekin eta aniztasunarekin duen konpromisoarekin, kasu honetan kirol alorrean”, adierazi dute udaletik.