Lehenengo etapa Bilbon hasi eta amaituko da. Bidean, Tourrak Sopela, Bermeo eta Gernika bisitatuko ditu. Helmugara heldu baino lehen, Txorierritik ere pasatuko da: Larrabetzutik Lezamara helduko da Avril menditik, eta handik, Txorierriko etorbidetik, Zamudiora, Deriora, Loiura eta Sondikara.
Gutuna sarearen biez ere zabaldu du Udalak. Datozen asteetan ekitaldi “ezohiko” honek izango duen eragina adieraziko du zehatz-mehatz: trafikoari itxitako kaleak, ordutegiak... “Data hori erreserbatzera animatzen zaitugu, gure kale eta errepideetan Tourraren ikuskizunaz gozatzeko. Berezia izango da, udalerriko memoria kolektiboan iraungo duena, eta bertako protagonista bihurtu ahal izango zara. Egun hori Lezaman bizitzera gonbidatzen zaitugu”.