Proposamenak aurrez aurre aurkeztu ahalko dira liburutegian dagoen hautestontzian, edo hurrengo leku hauetan ipiniko diren postontzietan: Iruris, udaletxea, Aretxaldeko geltokia, Kurtze, Bolaleku eta Goitioltzako txokoa. Gainera, urriaren 27an pertsona bat auzoetatik ibiliko da, 11:00etatik 14:00etara eta 17:00etatik 20:00etara, auzotarrei informazioa emateko eta prozesuan parte hartzen laguntzeko. Proposamenak online ere egin daitezke.
Azaldu moduan, proposamenek udalaren eskumenekoak izan behar dute, teknikoki eta ekonomikoki bideragarriak eta etorkizuneko gastuak arriskuan jartzen ez dituztenak. Obrei lotutako proposamenen kasuan, egitasmoaren gehieneko kostuak 40.000 eurokoa izan behar du; eta zerbitzu eta jarduerei lotutako proposamenen kasuan, 15.000 eurokoa.