Egitasmoak hurrengo hauek dira: eserlekuak ipintzea udalerriko hainbat tokitan (7.100 euro); tren-geltokira igotzeko biribilgunean zebra-bidea jartzea (15.000 euro); oinezkoentzako pasabideen ikuspena hobetzea Athleticen errepide orokorraren eta instalazioen arteko elkargunean, eta sagardotegirako eta Goikobarrio alderako bideko argiak hobetzea (15.000 euro); Enaitz tabernatik ludotekara zebra-bidea jartzea (4.000 euro); saski batzuk gehitzea Gurutzeko futbol-zelaian (6.000 euro); Pumptrackean argiak ipintzea (21.000 euro); eta bidegurutzeetan kartelak jartzea auzoen izenekin eta etxebizitzen zenbakiekin (30.000 euro).
Bestalde, udalak 217 galdetegi jaso ditu, baina haietako hiru baztertu dituzte, “partaidetza-arauak ez betetzeagatik”. Parte-hartzaileen % 54 emakumeak izan dira, eta 41 urtetik 60 urtera bitarteko herritarrek izan dute parte-hartzerik handiena: % 44. Azkenik, jasotako galdetegien % 71,5 gaztelaniaz bete dira.