Lezamako Pelota Klubak antolatutako Pilota Goxua Txapelketa Herrikoia azken txanpara ailegatu da. Izan ere, bihar, ekainak 6, finalak jokatuko dira 19:30etik aurrera pilotalekuan. Bigarren mailako finalean, Andoni Aretxabaleta eta Ibon Atxutegi ibiliko dira Joseba Aslaren eta Igor Amarikaren kontra. Lehen mailako finalean, bestalde, Iñigo Rodriguezek eta Diego Rodriguezek osatutako bikoteak jokatuko du Amarika III.ak eta Txaber Zabalak osatutako bikotearen aurka. Kirol-jaialdia biribiltzeko, taloak eskainiko dira partiden ostean, eta dj batek musika ipiniko du.