Barikua, ekainak 20, eskolako azken eguna izango da, eta Lezamako eskolan, esaterako, dantza modernoko erakustaldia eta Larrabetzuko Musika Eskolako ikasleen emanaldia izango dituzte 16:15etatik aurrera. Gainera, Yogurinha Borovak Amona Molona ikuskizuna aurkeztuko du 17:00etan. Borovaren lanak aniztasuna, maitasuna, errespetua eta askatasuna ditu ardatz. Lezamako Udalak eta eskolako gurasoen elkarteak antolatutako ekintza da.