Frontoiak edukiera mugatua izango du emanaldi honetarako, eta sarrerak hiru kategoriatan banatuko dira: harmailean kokatutako eserlekuen sarrerek 20€-ko prezioa izango dute, ring inguruan kokatutako eserlekuek 25€-koa, eta azkenik lehen lerroan kokatuta dauden zenbakidun eserlekuak 30€-ko prezioa izango dute.
Lezamako Andra Mari jaiek berrikuntza bat dakarte aurten egun nagusirako: boxeo emanaldi profesionala. Irailaren 7an izango da, domekan, arratsaldeko 18:30etatik aurrera udalerriko frontoian. Bertan, borroka nagusia bi aldiz amateur mailan Euskadiko txapeldun izan den Erlantz Tejada bizkaitarra arituko da bere bigarren borroka profesionalean, Daniel Ibargüenen aurka. Haren aurretik, hiru asaltoko beste zazpi olinpiar borroka izango dira, denek gutxienez boxeolari bizkaitar bat dutelarik.