Garaipenaren inguruan galdetuta, Ortiz de Andak dio dena “ezin hobe” joan zela, “topera baina kontrolatzen”, ibilbidearen luzera kontuan hartuta, baina “apur bat arriskatzen” ere. 66. kilometrora arte “oso gustora” joan zela dio, baina hortik aurrera sufritzen hasi zela: deshidratazioa, eguzkia atera izana, nekea… Hala ere, lehen postuari eutsi zion eta irabaztea lortu zuen. Garaipenarengatik “pozik” egoteaz gain, taldekide, lagun eta bikotearekin partekatu ahal izateagatik ere “pozik” dagoela dio, “ordu asko direnez edozein laguntza eskertzen da, eta haiek bertan egon ziren, asko nabaritzen da”.
Irati Ortiz de Anda lezamarrak Tolosaldeko Ultra Trail-a irabazi zuen larunbatean. 77 kilometro eta 4.600 metroko desnibela zuen ibilbidea hamar ordu eta erdi inguruan burutu zuen, 10:30:23an zehazki. Berarentzat garrantzitsua zen lasterketa bat zen, jokoan zuelako Euskal Kopa Txapelketako podiumean egotea.