Gazteen mailako finalarekin hasi zen jaialdia, pilotari guztiak Lazkaoko Lapke taldekoak zirelarik. Izagirrek eta Hormaetxek ezin hobeto eman zioten hasiera partidari, eta 12-1 aurreratu ziren. Biak ala biak oso nagusi izan ziren kantxan eta ez zieten Armaolea eta Figeroari inolako aukerarik eman. Azkenerako 22-11.
Nagusien finala ere bide beretik joan zen, hasiera erabakigarria izan zen. 11-4 aurreratu ziren Labaka eta Sotil eta Hormaetxe lezamarra eta Elorzek ezer gutxi egin ahal izan zuten. Sotilek atzeko koadroetan dominatu zuen, eta Labakak ez zuen aurrean barkatu, hain zuzen, txapelketako pilotari onenaren saria jaso zuen. 22-12 gailendu ziren.