Erakusketan zein kontzertuan diru bilketa solidarioa egingo dute. Euskadi-Cuba elkartearen bidez, helburua da Kubara eguzki panelak bidaltzeko dirua batzea. “Agian aurrerago zeozer antolatuago bat egingo dugu, baina momentuz honekin konformatuko gara herri kubatarrari laguntza apur bat lortzeko. Ekimen solidario honekin bat egitea eskatzen dizuegu eta ahal duzuen neurrian zabaltzea eta Kubarekiko elkartasuna (baita ekonomikoa ere) ozen adieraztea”, azaldu dute.
Oxangoiti Kultur Elkarteak eta Lezama Bizirik Auzo Elkarteak Kubaren aldeko elkartasun ekintzak osatuko ditu urriaren amaieran, Lezaman. Alde batetik, hilabeteroko Oxangoitiko azken barikuko kontzertuan Jorge Sanchez abeslari kubatarrak joko du 20:00etan. Bestetik, 'Operación Milagro: solidaridad médica en Argentina' erakusketa jarriko dute ikusgai gaurtik aurrera, urriak 20.