Gazte jaia maiatzaren 6an izango da Loiun

Gazte jaia bertako Udalak antolatu du bosgarren aldiz, Loiuko Bakarrak eta Danontzat elkarteen laguntzarekin. Egun osoan, gazteek prestatutako hainbat ekintza egongo dira. Esaterako, goizeko 11etan gymkana bat egingo da herria ezagutzeko. Ondoren, triki-poteoa, eta gazte bazkaria 15:00etan izango da. Taberna Ibiltaria herriko kaleetatik ibiliko da sei eta erdietatik aurrera, eta kontzertuak 23:00etan hasiko dira. Eszenatokira Ze esatek eta Oxabi taldeak igoko dira. Ekintzak Loiuko gazteentzat ez ezik Txorierriko gainontzeko herrietako gazteentzat ere badira, denei zuzenduta.